albisteak 2.0

Zaharrak berri

albisteak 2.0 — Fri, 25 Jun 2010 13:07:12 +0000

Iritsi gara Albisteak 2.0ren lehen denboraldi honetako azken geltokira. Uda dator eta berarekin batera gure azken saioa. Honako honetan zaharturik sentitu gara, deskantsu bat hartu eta berriturik etortzeko gogoekin. Horregatik jaiak eta oporrak izan ditugu hizpide, “Aprende con Fabulario” saioko lagunekin.

Hurren arte!

Hurrengo geltokia:

albisteak 2.0 — Sat, 19 Jun 2010 10:04:56 +0000

Hurrengo geltokia zein den argi dugu: interneteko euskal komunitatean egiten dena zabaltzeko bideak aurkitzea. Horregatik bakoitzak bide bat hautatu du, egunero ikusten ditugun webgune eta blog batzuekin. Bi bideek geltoki batzuk komunean dituzte, beste batzuk ez… baina helburua bera.

Eta gu, bitartean, ikasturte hoentako azken geltokira heltzen ari gara. Hurrengo geltokian azken saioa egingo dugu.

Android euskaraz webcam bidez erakusten

albisteak 2.0 — Fri, 11 Jun 2010 13:22:46 +0000

Android sistema eragile librea da. Telefono mugikorretarako garatu zuten, eta aukera asko eskaintzen ditu. Euskal Herrian, hacker batzuk berau euskaratzen ari dira une honetan. Zutagu sare sozialean horretarako taldea sortu dute, eta %90 jada lokalizatu dute. Beste bideo honetan, zelan euskaratu daitekeen azaltzen du gure gonbidatu Joseba Gabilondok.

#bideoGO
Android sistema eragilea, hasiera batean Google bilatzaileak bultzatu zuen proiektua da. Google bera gehiago ezagutzeko asmoarekin, bilatzailea zena, egun dituen proiektu guztien berri ematen duen bideogomendio hau proposatu dizuegu.

Literaturia eta gure proposamen teknologikoa: Book

albisteak 2.0 — Fri, 04 Jun 2010 13:48:25 +0000

Literaturia burutzen da asteburuan Larrabetzun. Guk ere letrak eta sarea lotu ditugu telebista saioan. Sarean zabaldu diren spot ezberdinak erakutsi eta Literaturiaren bloga eta euskal argitaletxeen webguneak bisitatzeko gonbidapena luzatuko dizuegu.
Saioa amaitzeko, proposamen teknologiko ahaltsu bat aurkeztu gura dizuegu: Book. Leerestademoda.com webgunetik hartu eta euskaraz bikoiztu dugun bideo itzela.

11amaika ikusteko

albisteak 2.0 — Tue, 01 Jun 2010 06:24:41 +0000

11 saio egin ditugu dagoeneko 11amaika telebistan. Eta azken hau telebistako erredakzioko kideek egin dute, ia osotasunean. Estudiotik murgildu gara, eta Deustutik mundu osora irudiak eskaintzen dituen telebista barrutik ezagutzeko aukera eskaintzen dizugu, ikusle.

albisteak 2.0 ETBko nickdutnik web kultura saioan

albisteak 2.0 — Sun, 30 May 2010 20:40:20 +0000

Nickdutnik saioa, ETBko webkultura saioan albisteak 2.0 aupatu dute. Gure saioaren berri eman, eta gure bezalako nazioarteko beste erreferentzia batzuekin lotu gaituzte.
50. saio egin dituzte nickdutnik-ekoek telebista. zorionak nickdutnik!

Greba Euskal Herrian

albisteak 2.0 — Fri, 21 May 2010 13:21:41 +0000

Albisteak 2.0.010 from Albisteak 2.0 on Vimeo.

2009ko maiatzaren 21ean greba orokorra izan genuen Euskal Herrian. Urtebete beranduago, kapitalismoa krisi global batean murgildua, han eta hemen entzuten dira egoeraren kontrako oihuak. Greba orokorra Grezian, eta mobilizazio gero eta gehiago globalak dira.

Kontestu horretan osatu dugu gure albistegia. Iazko irudiekin hasi – grebaorokorra.info telebista eta irudiekin – eta gaur egun Grezian adibidez bizitzen ari diren gertakizunetatik ekarritako albisteekin. Greziako alderdi komunistak edo bertako Indymediak eskaintzen duen informazioa batetik, edo gertuago Kaos en la Red sare alternatiboak eskaintzen duena.
Demokrazia ekonomikoari buruzko jardunaldiak, eta grebari buruzko ataria.

Albisteak 2.0.009 – Euskaraz bizi nahi dugu!

albisteak 2.0 — Fri, 14 May 2010 16:31:58 +0000

Euskaraz bizi nahi dugula esan dugu aste honetan, eta horretarako euskaraz eta euskararen alde badiren hainbat webgune aurkeztu ditugu. Euskararen bidean #hitzokei fenomenoa topatu dugu eta bukatzeko Ruper Ordorikak abesten zigun “zaindu maite duzun hori” ere entzun dugu.

Bi hitz: beats and bits (musika eta bideoak)

albisteak 2.0 — Fri, 07 May 2010 18:54:44 +0000

Bi HITZ beats&bits Bilboko 7katu eskaini biharamunean egin dugu saioa. Eta bezperakoa irudietan laburtuz erakutsi dugu zer den musika eta irudiak uztartzen dituen ekimen dantzagarri hau.
URSS
Blogsovieta egin zuten Andoainen, eta blogari berriak dauden orain gure RSS jarioetan. Blog eta proiektu hauek guztiak ezagutu ditugu orain, bisitatu eta parte hartzeko modukoak dira.
#bideoGO -bideo gomendioa- bukatzeko, Oarsoaldetik heldutako Esku titi laburmetraia.

zer ari da gertatzen Euskal Herrian?

albisteak 2.0 — Fri, 30 Apr 2010 17:53:27 +0000

Zer ari da gertatzen Euskal Herrian? Egunero sortzen dira berriak gurean, baina guztiak biltzea zaila egiten da. Horretarako jaio da http://www.euskalherrian.info eta horren inguruan hitz egin dugu gaurkoan. Bukatzeko AnimaBasaurin aurkeztuko den filma baten trailerra ere jarri dugu.